openR-tenging með innbyggðum Google-eiginleikum

Með Google kortum nýturðu góðs af nákvæmri og áreiðanlegri leiðsögn þar sem upplýsingarnar eru uppfærðar í rauntíma. Njóttu þess að fá sérsniðna upplifun með því að vista uppáhaldsheimilisföngin, fá tillögur um leiðsögn og fleira. Sérstakir rafbílaeiginleikar í Google kortum vinna með Google hjálparanum og gera þér kleift að fá sem allra mest út úr Megane E-Tech rafbílnum og komast áhyggjulaus á áfangastað.

Fáðu handfrjálsa aðstoð í bílnum með Google hjálparanum. Auðvelt er að hringja í vin eða senda SMS, fá leiðsögn, stilla áminningar eða jafnvel breyta hitastiginu í bílnum. Þú getur líka notað röddina til að stjórna samhæfum snjalltækjum á heimilinu. Segðu „Ok Google“ eða haltu raddstýringarhnappinum á stýrinu inni til að hefjast handa.

Spotify, YouTube Music, Google Play Books og margt fleira. Eftirlætisforritin þín eru innbyggð í skjá openR-tengingarinnar í Megane E-Tech rafbílnum. Spilaðu uppáhaldstónlistina þína, hlustaðu á hljóðbækur og hlaðvörp og notaðu eftirlætisforritin þín meðan á ferðinni stendur. Fleiri forrit bætast við með tímanum. Þú þarft ekki að gera neitt: Uppfærslur gerast sjálfkrafa og reglulega  

Njóttu sérsniðinnar upplifunar. Með tímanum lagar kerfið sig að venjum þínum og kjörstillingum og færir þér þannig betri leiðsögn og viðeigandi tillögur að aðgerðum.